प्रधानमन्त्री ओली र प्रचण्डबीच छलफल


  • Jaynepalnews
  • आइतवार, अशोज ११, २०७७

काठमाडौं । मन्त्रिपरिषदको बैठक आज बस्दै छ । बैठक मध्याह्न १२ बजे बस्न लागेको छ ।

त्यसअघि अहिले प्रधानमन्त्री निवास बालुवाटारमा नेकपाका दुई अध्यक्ष प्रधानमन्त्री केपी शर्मा ओली र पुष्पकमल दाहाल प्रचण्डबीच छलफल भइरहेको छ ।

पार्टीको स्थायी कमिटीको निर्णय अनुसार मन्त्रिपरिषद पुनर्गठनको तयारीमा जुटेका दुवै अध्यक्षले आज यसलाई टुंगाएर मन्त्रिपरिषद पुनर्गठनको सम्भावना रहेको बताइएको छ ।

सामान्यतया सोमबार र बिहीबार बस्ने मन्त्रिपरिषदको नियमित बैठक प्रधानमन्त्री ओलीले आइतबार नै बोलाएकाले पुनर्गठनको चर्चा चलेको छ ।

अहिले अर्थ, सञ्चार तथा सूचना प्रबिधि र शहरी बिकास मन्त्रालय खाली रहेको छ भने दुवै अध्यक्षले तीन मन्त्रालयलाई टुक्राएर थप तीन मन्त्री थप्ने तयारी गरेका छन् । यस बारे निर्णय भइसकेको नभएपनि आन्तरिक विवाद मिलाउन संबिधानमा व्यवस्था भए अनुसार २५ मन्त्रालय बनाउन सकिने भएकाले अहिले भएका २१ लाई २४ सम्म पुर्याउने गृहकार्य भइरहेको छ ।

अहिले एकै रहेका उद्योग, वाणिज्य तथा आपूर्तिलाई दुई बनाउने तथा उर्जा, जलस्रोत तथा सिचाई मन्त्रालयलाई टुक्राएर दुई बनाउने तयारी भएको छ ।

त्यस्तै अहिले सरकारमा रहेका केहि मन्त्रीलाई हटाएर नयाँ अनुहारलाई भित्र्याउने गृहकार्य भएको छ ।

प्रतिक्रिया
सम्बन्धित समाचार
ताजा अपडेट

© copyright 2020 and all right reserved to jaynepalnews.com | Site By : SobizTrend Technology